Menu

بنت مصرية

الشاعرة إيمان أحمد يوسف 

أنا بنت مصرية
انا مصرية وعفيه
شاربه من شهد نيلى
عمر الشدة القوية
ما في يوم حاتهد حيلى
اتعودت المقاومة
ومناهده الظروف
وبعافر اى خوف
اغزل من الليل غناوى
قلبى دفاه مداوى
ف الصبر بلون سماوي
بيمد سنين تقاوى
انا مصرية وعفيفة
إن كان عمرك صحارى
راح ازرع فيه حنين
يقاوم السنين
د راعى يصد عنك
وعزيمة ترم عظمك
وتجرى وسط دمك
م اللحظة عمرى ضلك
ارتاح وافرد ف قولك
اشيل عنك حمولك
ده انا مصرية وعفية
شاربه من شهد نيلى
عمر الشدة القوية
ما ف يوم حاتهد حيلى

Categories:   أدب ونقد

Comments